Voel jy ook soms om te vra of God jou werklik lief het? Vir jou, persoonlik, nie die mensdom of die wêreld nie, maar vir jou met al jou foute en dinge wat maar pla en skaaf. Dat Hy jou op jou naam ken, dat Hy jou intiemste hartsbegeerte ken, dat Hy letterlik weet hoe jy aanmekaar gesit is? Wat in jou alledaagse lewe aangaan… van wasgoed, kos, werk, huwelik? Van sukkel en struikel, stres en bekommerd wees… Ken God elke hoekie van jou hart en siel, en ten spyte daarvan… vra jy ook: Het U mý lief?
God het elkeen van ons só lief,
asof daar net een van ons is om lief te hê.
(Augustinus)
God is aan my en jou kant. Sy liefde veg vir ons en namens ons. Hy kies jou oor en oor, weer en weer. Dis juis hierdie liefde vir my en jou wat ons deur elke dag dra. Ons worsteling op aarde is nie alleen nie, God se liefde is ons versekering en skuilplek. Continue reading “Het U mý Lief?”
By wie vind jy vertroosting as jy sielsongelukkig en verstote voel deur hierdie wêreld en die mense wat die aarde bewoon en bewandel? Is dit nie net by Jesus nie? Is Sy juk nie sag en Sy las lig nie? (Mat. 11:28-30) Hy is naby wanneer jou hart gebroke daarna uitsien, net by Jesus sal jy rus vind vir jou siel, Hy sal jou red wanneer jy verslae van gees is. (Ps. 34:18)
Ons moet partykeer bietjie introspeksie doen, so klein opname maak. Ons moet bietjie vra en ondersoek: Hoe lyk my hart? Wat gaan aan in my gedagtes? Die gedagtes in my en jou kop en die woorde wat uit onse monde kom wys eintlik maar die toestand van ons hart en gees. Of hoe? Hoe meer jy in Hom leef en bly hoe mooier lyk jou hart en gesonder is die toestand van jou siel en gees. Hoe mooier is die vrug wat jy dra.