Klim uit die boot uit.

Kyk, Ek kom op die see na jou toe aangeloop. Moenie skrik nie! Wees gerus, dit is Ek. Moenie bang wees nie. Kom! Klim uit die skuit uit. (Matt. 14:22-29) Die Gees wat Ek jou gegee het, maak jou immers nie lafhartig nie, maar vul jou met krag en liefde en selfbeheersing. (2 Tim. 1:7)

As jy deur water moet gaan, is Ek by jou, deur riviere, hulle sal jou nie wegspoel nie. (Jes. 43:2) Het Ek jou nie op jou naam geroep nie? Jy is dan Myne! (Jes. 43:1)

Verbly jou in My teenwoordigheid. (Ps. 17:15) Ek sal self saam met jou gaan en vir jou vrede gee. (Eks. 33:14) Ek is by jou oral waar jy gaan. (Jos. 1:9) Glo in My! (Joh. 14:1) Ek gaan jou vooruit. Ek is by jou. Ek sal jou nooit in die steek laat nie, jou nie alleen laat nie. (Deut. 31:8)

Moenie jou oog rig op die sigbare dinge nie, maar op die onsigbare. Die sigbare dinge is tydelik, maar die onsigbare ewig, (2 Kor. 4:18) want jy lewe deur geloof, nie deur sien nie. (2 Kor. 5:7)

Hou jou oё gevestig op My, die Begin en die Voleinder van die geloof (Heb. 12:2). Geseёnd is jy, My kind, wat rein van hart is, want jy sal My sien. (Matt. 5:8) Ek het My oё oral op die aarde, (2 Kron. 16:9) Ek sien oral. Ek sien die slegte en die goeie mense. (Spr. 15:3)

Ek is die Here, jou God, My woorde sal bewaarheid word. (2 Sam. 7:28) Laat Ek, die bron van hoop, jou deur geloof met alle vreugde en vrede vervul. (Rom. 15:13) Staan vas in die geloof.  (1 Kor. 16:13)

Vertrou volkome op my en moenie op jou eie insigte staatmaak nie, ken My in alles wat jy doen, en onthou altyd: (Spr. 3:5) My arm is nie te kort om jou te help nie, My oor is nie te doof om te hoor nie. (Jes. 59:1) Ek sit My arms om jou! Ek hou jou styf vas. (Mark. 10:16)

Van bo af het Ek my hand uitgestrek en jou gegryp. (2 Sam. 22:17) Ek sorg vir jou kosbare kind. (Ps. 36:7) Daar is geen einde aan My liefde vir jou nie. (Ps. 136:26)