Posts

Posted on

‘n Bemiddelaar van Formaat.

Betekenis: Iemand wat partye met mekaar probeer versoen.

Draadsitter, skeidsregter, onderhandelaar, mediator … die eintlike woord wat ek soek is bemiddelaar. Hierdie selfopgelegde takie het my op ‘n stadium op en gedaan gemaak. Miskien is dit die abnormale glo dat ander mense se verhoudings my verantwoordelikheid is! Ek weet nie! Ek weet nie eers waar ek daaraan kom nie… Miskien is dit die feit dat verhoudings vir my kosbaar is en dat ek mos regtig nie van konflik hou nie. Sit net nog nooit lekker in my hart en siel nie…

Die verhoudings wat by verre vir my die belangrikste is (waar ek probeer bemiddelaar speel) is die ene tussen Pa en Dogter. My man en my girls… miskien is dit ‘n ma ding? Dis vir my so ‘n kosbare kommoditeit- as ‘n Pa en dogter(s) ‘n mooi verhouding het. En hier is die ding… hulle het eintlik ‘n verskriklike mooi verhouding… Continue reading “‘n Bemiddelaar van Formaat.”

Posted on

Genade Toggie!

Ek is die ander oggend by die skool besig om saam met ‘n paar ander mammas vir die onnies cupcakes, versies en capachino sakkies uit te pak. Om een of ander rede was die tweede kwartaal van hierdie jaar net lekker woes. Dit was so lekker om net saam met ‘n paar mammas te gesels, en grappies te maak… ek stap uit, en net voor ek ry, gooi ek net gou ‘n oog op my selfoon wat op ‘stilte’ was. Ek sien een van my hartsvriendinne het probeer bel, en sommer toe ‘n stemborrel gelos.

Ai en daar verander ‘n goeie Vrydag eensklaps in ‘n hartseer ene. Een van ons Graad 11 bid-mammas is skielik oorlede… en jy weet mos die aanvanklike verdwaasdheid en amper ontkenning… dit kan mos nie wees nie.

By die eerste links draai vergeet ek toe heeltemal om my flikkerlig aan te sit, en die man in die groot bakkie agter my is toe nie so heeltemal beϊndruk met my nie. Eers wys hy vir my met vingertjies wat skiet, jy weet mos, in kinderkrans as ons die liedjie sing wat sê: ja, die kindergesiggies, soos die sterre se liggies, selfde beweging, ander betekenis, en net om sy punt mooi af te sluit, net vir goeie ‘measure’, gooi hy vir my ‘n middelvinger ook, nou kyk, ek weet ek moes my flikker gebruik het, ek was verkeerd, maar in daai spesifieke oomblik sou ‘n klein bietjie genade só welkom gewees het. Continue reading “Genade Toggie!”

Posted on

Met Uitgestrekte Arms.

Ek kyk weer die ander dag bietjie die foto albums deur en kry ‘n kosbare foto van kleinsus wat hier tussen hemel en aarde in ‘n foto vasgevang is. Toe die girls baie kleiner was, het Jannie hulle altyd so lekker hoog in die lug op gegooi, dit was vir hulle vet pret, die armpies vol dimpels, uitgestrek in die lug, sorgvry. Oopbek skatterlaggies en mooi smeek-vra: “Nog, nog!” Hulle is nie eers vir ‘n oomblik bekommerd dat hulle pappa mis kan vang nie.

Ek loop so vir ‘n paar dae met die uit- en oopgestrekte arms-tema in my hart rond, en besef daar was ‘n Pa wat ‘n verlore seun met oopgestrekte arms tegemoet geloop het in die Bybel. Dag na dag het hy gewag, op die uitkyk vir sy verlore seun. Geduldig. Uitgestrekte arms vol verligting oor ‘n seun wat uiteindelik tuis is, arms wat sê: Ek vergewe jou!

Wat beteken oopgestrekte arms? Dit beteken maar net jy is welkom, jy is geliefd, jy is kosbaar genoeg om teen my hart vas te druk. Continue reading “Met Uitgestrekte Arms.”