Het jy sulke dae? Die weet nie-waar-om-te-vat en waar-om-te-los dae. Of jy kom of gaan dae? Wat jy op jou merke gereed gaan, uit die bed spring en net gaan, gaan, gaan… Soos die Energizer hasie. Nou daai daggies het ek my af-kop-hoender-dae gedoop. Hulle sê, en ek het dit gelukkig nog nooit self gesien nie, as mens ‘n hoender se kop afkap sal hy net in ‘n rigting inhol…
Ek het ook vir myself begin sê dis okay om so nou en dan sulke dae te beleef, maar dan moet ons ook eerlik wees dat as elke dag ‘n af-kop-hoender-dag is dan gaan jou liggaan skoon vir jou siel weghardloop en jy gaan permanent buite beheer voel. As jy permanent buite beheer voel kom die ander ou emosies soos angs en paniek natuurlik in tou agterna… en dan volg geirriteerd en kortaf en uiteindelik slaaploosheid en siek-voel soos ‘n stout, moedswillige boetie. Continue reading “Af-kop-hoender-dae.”